Мбаппе ўтган мавсумнинг энг яхши уч футболчиси ким эканлигини айтди

"ПСЖ" ҳужумчиси Килиан Мбаппе ўтган мавсумда кимлар энг яхши ўйинчилар бўлганини айтди.

"Ўтган мавсумнинг энг яхши 3 ўйинчиси? Мен, Бензема ва Мане", - деди Мбаппе France Football нашрига.

Мбаппе 2021/22 йилги мавсумда Франция чемпионлигини қўлга киритди. Умуман олганда, у барча мусобақаларда 39 та гол урган.

Карим Бензема "Реал Мадрид" билан Ла Лига ва Чемпионлар Лигасида ғолиб чиқди ва ҳар иккала мусобақада ҳам энг яхши тўпурарга айланди.

Садио Мане Сенегал билан Африка кубогини ютган, шунингдек, “Ливерпуль” сафида Англия кубоги, Лига кубогини қўлга киритган.