Коронавирус вакцинаси. Трамп нега типирчилаб қолди?

Aмерикада COVID-19 вакцинасини ишлаб чиқувчилар сиёсат уларнинг ишига аралашиши мумкинлигидан қўрқмоқдалар, деб ёзади The New York Times газетаси Оқ уй расмийлари, федерал олимлар ва мустақил экспертларга таяниб. Дори AҚШ президенти Дональд Трамп маъмурияти томонидан "доимий босим остида" ишлаб чиқилмоқда, деб ёзади газета.

Газетанинг ёзишича, Президент маъмурияти шу йилнинг охирида ёки келаси йилнинг бошида миллионлаб дозали вакциналарни чиқаришни кутмоқда. Бироқ мутахассисларнинг фикрича, Трамп вакциналар ҳақида маълумотлари етарли эмаслигига қарамай, президентлик сайловларидан олдин вакцина чиқариш учун Озиқ-овқат ва дори-дармон маъмуриятига босим ўтказишга уриниши мумкин.

Газета таъкидлаганидек, Трамп вакцинани ишлаб чиқувчилар катта ютуқларга эришганлигини доимо таъкидлаб келади, бу эса америкаликларнинг малҳамнинг тезроқ чиқарилишига умид қилишига сабаб бўлмоқда. Дональд, шунингдек, "вакцинани белгиланган муддатда чиқаришга" ваъда қилмоқда.

Июль ойида АҚШ раҳбарининг қайта сайланиши вакциналарга боғлиқ эканлигини таъкидланган. Бундан ташқари, газетанинг ёзишича, ўтган ҳафта охирида Трамп Пенсильваниядаги тарафдорлари билан гаплашар экан, вакцинани "жуда эрта, йил охирига қадар, муддатидан олдин" олиш мумкинлигини айтган.