Конор Макгрегор ёзгача октагонга қайтмайди

Конор Макгрегор ёзгача октагонга қайтмайди. Бу ҳақда UFC президенти маълум қилди.

ESPN телеканалига берган интервьюсида Дана Уайт енгил вазн тоифасида собиқ чемпион ўзининг сўнгги жангида оёғи синганидан ҳануз тузалаётганини айтди.

"Ўйлайманки, у ёзда қайтиб келади. Ҳаммаси унинг оёғи қандай тузалиши ва ёзгача содир бўлиши мумкин бўлган миллионлаб бошқа нарсаларга боғлиқ. Конор қўнғироқ қилиб, машғулотларни тўлиқ бошлаганини ва қайтишга тайёрлигини айтса, биз унинг вариантларини муҳокама қилишни бошлаймиз”, деди Уайт.

Эслатиб ўтамиз, Макгрегор охирги марта ўтган йилнинг июль ойида октагонга кирган эди. Кейин у Дастин Порьега қарши жангда техник нокаутга учради ва оёғини синдириб олди.