Жо Байден Туркия ва Сурияда ҳалок бўлганларга ҳамдардлик билдирди

Жо Байден Туркия ва Сурияда ҳалок бўлганларга ҳамдардлик билдирди

АҚШ Президенти Жо Байден Туркия ва Сурияда ҳалок бўлганларга ҳамдардлик билдирди ва жароҳатланганларга барча зарур ёрдамни кўрсатишни топширди, деб хабар беради Кazinform мухбири Оқ уй матбуот хизматига таяниб.

Америка Қўшма Штатлари Президентининг баёнотида Туркия ва Сурияда минглаб инсонларнинг ҳаётига зомин бўлган даҳшатли зилзила ҳақидаги хабарни катта зарба сифатида қабул қилгани айтилади.

Жо Байден ва унинг рафиқаси Жилл яқинларини йўқотган, жароҳатланган ва уй-жойидан айрилган барчага ҳамдардлик билдирди.

Америка президенти АҚШ маъмурияти Туркия расмийлари билан яқиндан ҳамкорлик қилаётганини таъкидлади. Ж. Байденнинг буйруғига кўра, АҚШнинг юқори мартабали расмийлари барча зарур ёрдамни етказиб беришни мувофиқлаштириш учун дарҳол туркиялик ҳамкасблари билан боғланди.

Туркия қидирув-қутқарув хизматлари ва АҚШдан қутқарув гуруҳлари жабрланганларга ёрдам бериш учун юборилган. АҚШ томонидан қўллаб-қувватланган гуманитар шериклар зилзиладан вайрон бўлган Сурияга ҳам ёрдам кўрсатди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!