Исроил кучлари ишғол остидаги Ғарбий Соҳилда 4 нафар фаластинликни қўлга олди

Исроил кучлари ишғол остидаги Ғарбий Соҳилда 4 нафар фаластинликни қўлга олди

Исроил аскарлари ишғол остидаги Ғарбий Соҳилдаги Эриҳа ва Наблус шаҳарларида 4 нафар фаластинликни қўлга олди.

Исроил кучлари Эриҳа шаҳрига рейдлар уюштирди, дея хабар беради Фаластиннинг WАФА расмий ахборот агентлиги маҳаллий манбалардан.

Ҳарбийлар Сабиҳа маҳалласидаги бир фаластинлик уйини қуршаб олдилар ва у ерда икки ака-укани ҳибсга олдилар.

Маҳаллий ва хавфсизлик манбаларига кўра, Исроил кучлари эрта тонгда Наблусдаги фаластинликларнинг уйларига рейд уюштирган.

Исроил аскарлари мактабга ҳам ҳужум қилиб, у ерда фаластинликларни калтаклаган.

Исроил кучлари Наблусда икки фаластинликни қўлга олди.

2023 йилнинг 7-октабр куни Исроил Ғазо секторига ҳужум бошлаганидан буён босиб олинган Ғарбий Соҳил ва Шарқий Қуддусда фаластинликларни ҳибсга олишлар, рейдлар ва ҳужумлар кўпайган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!