Индонезияда рўй берган даҳшатли зилзила оқибатида 34 киши ҳалок бўлди

Бугун Индонезиянинг Сулавеси оролида 6,3 балли зилзила рўй берди. Оқибатда 34 киши ҳаётдан кўз юмди, 600га яқин инсон жабрланди. Бу ҳақда CNN хабар қилди.

Табиий офат эпимаркази Мажен шаҳридан шимоли-шарқ тарафга 6 км. узоқликда қайд этилган. 

Эслатиб ўтамиз, ушбу давлатда пайшанба куни ҳам ер қимирлаганди. 

Мамлакат фавқулодда вазиятлар агентлигининг маълум қилишича, кетма-кет зилзилалар натижасида ҳудудларда камида учта тупроқ кўчиши содир бўлган, электр таъминоти узилиб қолган. Кўприкларга зарар етган.