"Ҳеч ким уддаламаган": Роналду яна рекорд ўрнатди
Португалия сардори Криштиану Роналду Европа чемпионатида рекорд ўрнатди. Бу ҳақда "Спорт-Экспресс" хабар бермоқда.
Ҳужумчи Венгрияга қарши Евро-2020 биринчи давра ўйинида майдонга асосий таркибда кирди. Футболчи учун бу фаолиятидаги бешинчи Европа чемпионати. Бунга қадар ҳеч бир футболчи Европа чемпионатида 5 марта ўйнамаган.
Испаниянинг собиқ дарвозабони Икер Касильяс жамоанинг бешта Европа чемпионатига даъвогарлигига киритилган, аммо улардан фақат учтасида майдонга тушган.
Еврода ўтказилган ўйинлар сони бўйича ҳам Роналду 22 та ўйин билан етакчилик қилмоқда. Германиянинг собиқ ярим ҳимоячиси Бастиан Швайнштайгер 18 учрашув билан иккинчи ўринда бормоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
