Германия Украинадаги можарони тезроқ тугатиш ва Россия билан музокаралар олиб боришга чақирди

Германиянинг Бранденбург федерал штати бош вазири Дитмар Войдке Украинадаги можарога тезроқ барҳам бериш ва Россия билан музокаралар олиб бориш тарафдори эканини айтди. Унинг сўзларини Tagesspiegel нашри келтирган .

У Германия социал-демократик партиясининг сайловолди тадбирида сўзлаган нутқи чоғида вазиятни имкон қадар тезроқ дипломатик йўллар билан ҳал қилиш кераклигини таъкидлади.

«Европада икки ярим йилдан бери уруш давом этмоқда. Ва мен Германия ҳукумати имкон қадар тезроқ барча дипломатик саъй-ҳаракатларни амалга оширишини кутаман», — деди сиёсатчи.