Футбол афсонасининг овози италиялик қизни тўққиз ойлик комадан олиб чиқди
"Рома" ФКнинг собиқ сардори италиялик футболчи Франческо Тоттининг овозини эшитганидан сўнг, тўққиз ой ичида комада бўлган қиз ўзига келди.
Бу ҳақда “La Repubblica” хабар берди.
Маълум бўлишича, бир мунча вақт қизнинг қариндошлари унга ўзи қўллаб-қувватлаган "Рома" футбол клубининг мадҳиясини эшиттиришган.
Афсонавий футболчи Тотти вазиятдан хабар топгач, қизга видео хабар жўнатган.
"Иления, таслим бўлма, биз ҳаммамиз сен билан", - деган футболчи.
Шундан сўнг футболчининг овози ёзилган видео қайта-қайта эшиттирилган ва қиз аста-секин комадан чиқа бошлаган. Тўлиқ ўзига келганидан кейин эса кумири билан учрашган. 28 сентябрь куни эрталаб футболчи унинг ёнига касалхонага ташриф буюрган.
"У жилмайди, мени қучоқлади ва йиғлай бошлади", дейди 44 ёшли футболчи “Агар бу ишим қизга ёрдам беришини билганимда, олдинроқ қилган бўлардим”, дея қўшимча қилар экан.
