Францияда навбатдан ташқари парламент сайловлари натижалари эълон қилинди

Францияда навбатдан ташқари парламент сайловлари натижалари эълон қилинди.

Энг яхши натижани парламентдаги 182 ўринга эга бўлган сўл қанот “Янги халқ фронти” коалицияси кўрсатди. Иккинчи ўринда 168 та мандат билан Франциянинг амалдаги президенти Эммануэл Макроннинг “Республика учун бирга” марказчи коалицияси, учинчи ўриндан Марин Ле Пен ва Жордан Барделланинг ўнг қанот “Миллий бирлашув” партияси 143 нафар депутатлик мандати билан жой олди. Сайловда консерватор “Республикачилар” партияси 45 нафар депутатлик ўрнига эга бўлди. Қолган мандатлар мустақил депутатлар ва кичик уюшмалар вакиллари ўртасида тақсимланди.

Шундай қилиб, ҳеч бир партия парламентдаги кўпчилик ўринларни қўлга кирита олмади, бунинг учун 289 депутатлик мандати керак эди.