Европа Иттифоқи Мадуронинг Венесуэла президенти этиб қайта сайланганини тан олмаслигини билдирди
Европа Иттифоқи Мадуронинг Венесуэла президенти этиб қайта сайланганини тан олмаслигини билдирди.
Бу ҳақда Европа Иттифоқининг Ташқи ишлар ва хавфсизлик сиёсати бўйича олий вакили Жозеп Боррел маълум қилди.
Қайд этилишича, халқаро кузатувчилар жорий йилнинг 29 июл куни Венесуэлада бўлиб ўтган президентлик сайловида овоз беришни ташкил этишнинг халқаро стандартларга мос келмаслиги кўрсатган ва Венесуэла сайлов комиссияси ҳали ҳам сайлов участкаларидан Николас Мадуронинг сайловдаги ғалабасини тасдиқловчи протоколларни эълон қилмаган. Шу билан бирга, комиссия аллақачон мамлакат раҳбарини қайта сайланган раҳбар деб эълон қилган.
"Брюссел Мадуронинг қонунийлигини тан олмайди, мамлакатда президентлик сайлови аввалги сайловларга ўхшаш сценарий бўйича бўлиб ўтди. Шундан сўнг Мадуро режими мухолифатни таъқиб қила бошлади ва мамлакатда сиёсий инқироз бошланди", — дея таъкидлади Боррел.
Аввалроқ Қўшма Штатлар муҳолифат вакили Эдмундо Гонсалесни сайловда ғолиб деб тан олганини расман эълон қилганди. Шунингдек, АҚШ Давлат котиби Энтони Блинкен Венесуэладаги сиёсий кучлар президентлик ваколатларини мухолифат етакчиларидан бири Гонсалесга топшириш масаласини муҳокама қилишни бошлаши вақти келганини билдирган эди.
