Евроиттифоқ Россия банкларидан бирини санкциялар рўйхатидан чиқармоқчи

Евроиттифоқ Россия банкларидан бирини санкциялар рўйхатидан чиқармоқчи

Евроиттифоқ Россиянинг "Россельхозбанк" банкидан санкцияларни олиб ташлаш масаласини кўриб чиқмоқда. Бу ҳақда Европа Кенгашининг расмий вакили Петер Стано маълум қилди.

"Биз Россиянинг "Россельхозбанк"нинг озиқ-овқат ва қишлоқ хўжалигидаги аҳамияти, шунингдек, унинг SWIFT тизимидан узилгандан кейинги қийинчиликлар бўйича даъволарини инобатга олдик", — деган у.

Станонинг қўшимча қилишича, банк орқали тўловларни амалга ошириш мумкин, аммо транзакциялар олдингига нисбатан қиммат ва секин кетмоқда. Еврокенгаш расмий вакили кўплаб рус банклари SWIFT тизимидан узилмаганини, озиқ-овқат ва ўғит бўйича келишувлар санкциялардан ташқарида эканини таъкидлаган.

Ноябрь ўртасида Россия ТИВ БМТ билан "Россельхозбанк"ни SWIFT тизимига қайтариш масаласини кўриб чиқаётганини маълум қилганди. Financial Times маълумотларига кўра, АҚШ ҳам бу масалада ён беришга тайёр.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!