Эроннинг янги сайланган президенти бугун қасамёд қилади
Эроннинг янги сайланган президенти Масъуд Пезешкияннинг қасамёд қабул қилиш маросими бугун, 28 июль куни бўлиб ўтади.
Бу ҳақда «Тасним» агентлиги маълум қилди.
Маълум қилинишича, тантанали қасамёд қабул қилиш маросимида Эрон олий раҳнамоси Оятуллоҳ Сейид Али Хоманаий, давлат арбоблари, ҳарбий хизматчилар, университет ректорлари, хорижий давлатлар элчилари ҳам иштирок этади.
Маълумотларга кўра, маросим Эрон телевидениеси орқали жонли эфирда намойиш этилади.
Бир муддат аввал қасамёд қабул қилиш маросими 30 июль куни бўлиб ўтиши хабар қилинганди.
Эслатиб ўтамиз, Эронда навбатдан ташқари президентлик сайловларининг биринчи босқичи 28 июнь куни, иккинчи босқичи эса 7 июль куни бўлиб ўтган эди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
