Эрдўған: Ғазо халқаро тизимнинг қонунийлигини йўқотганига яққол мисол

«Терроризм, исломофобия ва ксенофобия, ноқонуний миграция, иқлим ўзгариши, энергия ва озиқ-овқат хавфсизлиги, таъминот занжиридаги узилишлар геосиёсий нотинчликни кучайтирмоқда», — деди Туркия президенти ШҲТ саммитида.

«90 мингга яқин фаластинлик яраланган ва 16 мингдан ортиқ бегуноҳ болалар ҳалок бўлган Ғазо харобалари моҳиятан қонунийлигини йўқотган халқаро тизимнинг вайроналарига айланди. Биз халқаро тизимнинг [умумий қабул қилинган] қоидаларга асосланган пойдевори силкитилаётган даврни бошдан кечирмоқдамиз», — деди Туркия раҳбари.