Эдвард Лидскалниннинг маржон қалъаси.

AҚШда оғирлиги 30 тоннага тенг маржон қалъа мавжуд. У латвиялик муҳожир, ҳаваскор архитектор Эдвард Лидскалнин томонидан қурилган. 

Энг сирли томони у қалъани бир ўзи, ҳеч кимнинг ёрдамисиз қурган. Қўшниларининг маълум қилишича, Эдварднинг тракторлари ҳам, юк машиналари ҳам бўлмаган. У тошларни ўзи кесиб, қурилиш жойига олиб келган. Aммо бўйи 152 см, оғирлиги 45 кг бўлган кичик одам қандай қилиб бундай катта тошларни кесиб олиб келгани номаълумлигича қолмоқда. 

Лидскалнин фақат тунда ишлаган ва меҳмонларни ёқтирмаган. Қўшнисининг уйида қурилиш бошланганда, у қалъасини бошқа жойга кўчирган. Шунда ҳам у оғир скулптураларни ҳеч кимнинг ёрдамисиз ўзи юк машинасига ортган. Aрхитектор унинг иш жараёнини ҳеч ким кўрмаслиги учун қаттиқ ҳаракат қилган. 

У Миср пирамидаларининг қурилиш сирини очганини билдирган, аммо сир нимада эканлигини ҳеч кимга айтмаган. Маржон қалъасининг қурилиш услуби ҳалигача сирлигича қолмоқда.