Будапешт шаҳрида Венгрия компанияларининг Ўзбекистондаги янги лойиҳаларда иштироки муҳокама қилинди

Ўзбекистон элчиси Ойбек Шахавдинов Венгрия Ташқи ишлар ва савдо вазирлиги давлат котибининг ташқи иқтисодий алоқалар бўйича ўринбосари Каталин Бихари билан учрашди, деб хабар бермоқда "Дунё" АА.

Томонлар Ўзбекистон ва Венгрия ўртасидаги анъанавий дўстлик ва кўп қиррали стратегик шериклик муносабатлари томонларни қизиқтирган барча соҳаларда изчил ривожланиб бораётганини қайд этдилар.

Учрашувда икки томонлама савдо-иқтисодий ва сармоявий ҳамкорлик масалалари, хусусан, Венгрия компанияларининг Ўзбекистондаги янги лойиҳаларда иштироки муҳокама қилинди.