Британия тартибсизликлар сабабли масжидларни қўшимча ҳимоя қилади

Буюк Британия ҳукумати мамлакатдаги муҳожирларга қарши тартибсизликлар вақтида ҳужумга учраши мумкин бўлган масжидларни қўшимча ҳимоя билан таъминлади.

Бу ҳақда Буюк Британия Ички ишлар вазирлиги раҳбари Ивет Купер маълум қилди.

«Маҳаллий масжидлар кўп жамоаларда юз берган шармандали таҳдидлар ва ҳужумларни ҳисобга олиб, ҳукумат масжидларни ҳимоя қилиш ва хавфсизлик дастури орқали қўшимча оператив ёрдам, шунингдек, маҳаллий полиция кучларини қўллаб-қувватламоқда», деди у.

Ҳукумат баёнотида қайд этилишича, мазкур дастурнинг маблағлари ушбу мақсадларга йўналтирилади. Бу йил учун уни амалга ошириш учун аллақачон 29,4 миллион фунт стерлинг (38 миллион доллар) ажратилган.