Британия қироллик хазинаси: Кимнинг энг кўп пул сарфлаганлиги ошкор бўлди

Букингем саройи йиллик молиявий ҳисоботни эълон қилди, деб хабар бермоқда “Daily Mail”.

Маълумотларга кўра, Гарри ва Меганнинг қирол оиласининг аъзолари сифатидаги сўнгги расмий сафари инглиз солиқ тўловчиларига 245 минг фунт стерлингга тушган.

Таъкидланишича, қироллик оила аъзолари орасида таниқли жуфтлик бошқаларга нисбатан энг кўп пул сарфлаган.

Рўйхатда иккинчи ўринни шаҳзода Чарльз эгаллаган. Унинг 2019 йилда Уммонга қилган икки кунлик ташрифи Буюк Британия бюджетига 210 минг фунт стерлингга тушган.

Кейт Миддлтон ва шаҳзода Уильямнинг Покистонга парвози эса 117 минг фунт стерлингни ташкил қилган.