Болалар боғчалари қандай пайдо бўлган?
Мактабгача таълим-тарбия муассасалари немис ўқитувчиси Фридрих Фрёбелнинг шарофати билан пайдо бўлган. 1837 йилда у ўзининг "Болалар боғчаси" ("Kindergarten") деб номланган муассаса очиб, ёш авлодга махсус таълим-тарбия бериш ғоясини амалиётга татбиқ этган. Немис тилидан сўзма-сўз таржима қилинганда бу атама "болалар боғи" деган маънони англатади.
Фрёбел бу ғояси орқали болалар барча зарур кўникмаларни эгаллайди, жамиятда ўзини тутиш қонун-қоидаларини ўрганади, биргаликдаги тадбирлар ва ўйинлар орқали шахс сифатида ривожланади, деб ишонган. У болаларни боғдаги ўсимликлар билан таққослаган, чунки улар ҳам мукаммал ривожланиши учун боғбоннинг меҳри ва эътиборига муҳтож.
Матнда хатолик топсангиз, ўша хатони белгилаб, бизга жўнатинг (Ctrl + Enter).
