Бир ҳафталик танаффусдан сўнг ҳусийлар янги ҳарбий амалиётлар ўтказишини эълон қилди
Бир ҳафталик танаффусдан сўнг яманлик ҳусийлар АҚШ ва Исроил кемаларига, шунингдек, Адан кўрфазидаги Америка эсминецига қарши янги ҳарбий амалиётлар ўтказишини эълон қилди.
Ҳусийлар ҳарбий воизи Яҳё Сария “Ал-Масираҳ” телеканалида бу Фаластин халқининг зулми ва Америка-Британиянинг Яманга қарши тажовузига жавоб сифатида амалга оширилаётганини айтди.
“Яман ҳарбий-денгиз кучлари Американинг “MAERSK YORKTOWN” кемасига қарши Адан кўрфазида кема ракеталари ёрдамида ҳарбий операция ўтказди, уларнинг зарбаси аниқ бўлди”, — деди воизСария.
Унинг қўшимча қилишича, ҳаво кучлари шу вақт ичида иккита дрон операциясини амалга оширган. Биринчи ҳолатда нишон Адан кўрфазидаги Америка эсминеци, иккинчисида Ҳинд океанида Исроилнинг МMSC VERACRUZ кемаси бўлган.
