"Бавария" стадиони номини афсона шарафига ўзгартиради
Германиянинг "Бавария" клуби шаҳар мерияси билан биргаликда стадион номини клуб афсонаси Франц Беккенбауэр хотирасига ўзгартиришга қарор қилди.
Уй стадионининг ҳозирги номи – "Альянц Арена".
Мюнхен шаҳар кенгаши стадион номини ўзгартириш ғоясини маъқуллади. Яқин кунларда клуб арена номи ўзгарганини расман эълон қилади.
"У шаҳримиздан етишиб чиққан буюк спортчилардан бири", – деди Мюнхен мери Дитер Райтер.
Немис клуби куни кеча Чемпионлар Лигасининг 1-турида Загребнинг "Динамо" жамоасини 9:2 ҳисобида мағлуб этганди. "Қизиллар" навбатдаги ўйинини 21 сентябрь куни Бундеслига доирасида "Вердер"га қарши ўтказишади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
