Украина Мудофаа вазири Рустем Умеров ва Бош разведка бошқармаси раҳбари Кирилл Буданов ўз лавозимларидан озод этилиши мумкин — “Страна”
Нашр манбалари, шунингдек, Бош разведка бошқармаси бошлиғи ўринбосарлари Виктор Заитсев ва Игор Остапенкони ишдан бўшатиш ҳақидаги қарор Будановнинг розилигисиз қабул қилингани ҳақидаги маълумотни тасдиқлайди.
"Гап шундаки, Буданов ва Президент девони раҳбари Андрей Ермак ўртасида жиддий зиддият бор. Буданов Зеленскийнинг атрофидаги Ермакга муқобил қолган кам сонли нуфузли одамлардан биридир", — дея таъкидлайди манба.
Таъкидлашича, Будановнинг ўрнини ким эгаллаши ҳақидаги муҳокамалар давом этмоқда.
"Украина Ташқи разведка хизмати раҳбари, Будановнинг собиқ ўринбосари Олег Ивашенко Бош разведка бошқармаси бошлиғи лавозимини эгаллаши, амалдаги Мудофаа вазири Рустем Умеров эса Ташқи разведка хизмати раҳбари этиб тайинланиши мумкин. Умеров ўрнини ким эгаллаши ҳақидаги савол очиқ қолмоқда", — дейди “Страна” суҳбатдоши.
