АҚШнинг аксарият штатлари муддатидан олдин овоз беришни бошлаш тарафдори
5 ноябрь куни бўлиб ўтадиган президентлик сайловлари олдидан кўплаб АҚШ сайловчилари аксарият штатларда шахсан ёки почта орқали муддатидан олдин овоз беришлари мумкин бўлади, деб ёзади CBS News.
Алабама 11 сентябрь куни сайлов бюллетенларини почта орқали юборган биринчи штат бўлди ва сайлов кунига 45 кун қолганда сайловчиларга почта орқали бюллетен юборишни бошлаган 10 штатдан бири.
Ҳарбий ва хориждаги сайлов бюллетенлари 21 сентябрь куни почта орқали юборилади. Ҳар бир штат ўз сайловчиларни рўйхатга олиш муддатини белгилайди.
Сайлов инновациялари ва тадқиқотлари марказининг қайд этишича, 2000 йилда сайловчиларнинг 40 фоизи шахсан ёки почта орқали муддатидан олдин овоз бериш имкониятига эга бўлган.
Америкаликларнинг 97 фоизи ҳозирда сайлов кунига қадар камида бир марта овоз бериш имкониятига эга
Қуйида барча сайловчиларга шахсан ёки почта орқали муддатидан олдин овоз беришни таклиф қилувчи кўк рангдаги штатлар билан АҚШ штатлари харитаси келтирилган.
Фото: www.cbsnews.com
Қолган 46 штат ва Колумбия округи барча сайловчиларга олдиндан шахсан овоз бериш ва почта орқали овоз беришни таклиф қилади.
Аммо 46 та штатдан 8 тасида бюллетенни почта орқали юбориш учун сабаб керак: Коннектикут, Индиана, Кентукки, Луизиана, Миссури, Жанубий Каролина, Теннесси ва Техас.
Эслатиб ўтамиз, 2020 йилги Америка президентлиги сайловларида Жо Байден Невада, Аризона, Висконсин, Мичиган, Жоржия, Пенсильвания штатларида, Дональд Трамп эса Шимолий Каролинада кўплаб овозларни қўлга киритган эди.
