Россия қўмондони Курск вилоятида олдинга силжиганини даъво қилмоқда
Россия қуролли кучлари Россиянинг Курск вилоятидаги Украина билан чегарага яқин икки қишлоқни қайтариб олди, деди рус қўмондони.
6 август куни Украина шимолий ҳудудлар билан чегарада жойлашган ғарбий Россия минтақасининг жанубий қисмига кутилмаган ҳужумни бошлади ва сезиларли ҳудудга эга бўлди.
Яқинда Россия ғарбий томондан Украина назоратидаги ҳудудга қайтиб, шарққа қараб ҳаракат қилиб, қарши ҳужумни бошлади.
Чеченистоннинг «Ахмат» махсус кучлари қўмондони, Россия Мудофаа вазирлиги ҳарбий-сиёсий бошқармаси бошлиғи ўринбосари генерал-майор Апти Алаудиновнинг айтишича, рус қўшинлари Украина чегарасидаги қўшни Ниолаево-Дарино ва Дарино қишлоқларини қайтариб олган.
«Бизнинг бутун фронтимиз олдинга силжиди», деди Алаудинов.
Унинг сўзларига кўра, рус қўшинлари ушбу аҳоли пунктларининг ғарбий қисмида жойлашган кичик дарёни хавфсиз кесиб ўтган.
