Украина Россияни Молдовани тарк этишга чақирди
Украина ташқи ишлар вазири Андрей Сибига Молдовага ташрифи чоғида Россияни Днестрбўйи ҳудудидан қўшинларини олиб чиқишга чақирди. Унинг сўзларини NewsMaker портали келтирмоқда.
«Днестрбўйи минтақаси Молдованики ва Россия ўз армиясини у ердан олиб чиқиши керак. Украина музокаралар жараёнида Молдовани қўллаб-қувватлашда давом этади», — деди Сибига.
Бундан олдин Молдова президенти Майя Санду Днестрбўйи билан қайта бирлашиш масаласи ЕИга қўшилишдан олдин ҳал бўлишига умид билдирган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
