Автомобилларга махсус стикерлар бериш вақтинча тўхтатилди

4 апрель соат 18:00дан бошлаб автомобиллар ҳаракатланиши учун махсус рухсатномалар олиш бўйича аризалар қабули вақтинча тўхтатилди. Бу ҳақда Давлат хизматлари агентлиги хабар берди.

Аризаларни қабул қилиш 6 апрель 18:00 дан бошланади.

Маълумот берилишича, 4 апрель соат 17:00 ҳолатига Марказларга 165 619 та ариза келиб тушган, улардан республика бўйича 23 546 та рухсатнома берилган, 81 241 таси рад этилган, 10 004 — ариза олувчиларнинг ўзлари томонидан қайтариб олинган.

Ҳозирги вақтда 60 832 аризаларни кўриб чиқиш жараёни давом этмоқда. Агентлик рад этилган аризаларни қайта юбормасликни сўраган.