"Арсенал" "Барселона" футболчисини сотиб олишдан бош тортди

"Барселона" ҳимоячиси Жюль Кунде Лондоннинг "Арсенал" клубига ўтмайди.

Франциялик футболчи "канонирлар"нинг трансфер мақсадларидан бири ҳисобланарди, аммо инглиз клуби бошқа номзодни танлади. Журналист Маттео Мореттонинг сўзларига кўра, "Арсенал" ҳозирда Кундени кузатмаяпти. Эндиликда лондонликлар тўлиқ эътиборини "Болонья" ва Италия терма жамоаси футболчиси Рикардо Калафьори трансферига қаратишган.

Жюль Кунденинг "Барселона" билан амалдаги меҳнат шартномаси 2027 йилнинг ўрталарига қадар тузилган. 25 ёшли футболчининг нархи Transfermarkt экспертлари ҳисобига кўра, 45 миллион еврони ташкил қилади.