АҚШ, Япония ва Жанубий Корея мудофаа вазирлари ҳамкорлик меморандумини имзолади

Пентагон раҳбари Ллойд Остин ва Япония ва Корея Республикаси мудофаа вазирлари Минору Кихара ва Шин Вон-сик Токиода уч томонлама хавфсизлик бўйича ҳамкорлик келишуви доирасида меморандум имзолади ва унинг кучга киришини эълон қилди.

Бу ҳақда АҚШ ҳарбий департаменти тарқатган баёнотда маълум қилинди.

Ушбу ҳужжат, Пентагонда таъкидланганидек, сиёсий маслаҳатлашувлар, ахборот алмашинуви, уч томонлама машғулотлар ва «тинчлик ва барқарорликни таъминлаш мақсадида мудофаа алмашинуви соҳасидаги ҳамкорликни» ўз ичига олган «мамлакатларнинг мудофаа вазирликлари ўртасида уч томонлама хавфсизлик соҳасидаги ҳамкорликни институционализация қилади».