АҚШ—Хитой можароси: Хитой "энг ёмон сценарий"га тайёр

Хитой ҳукумати барча хитойлик журналистлар AҚШни тарк этишга мажбур бўладиган "энг ёмон сценарий" га тайёр. "Бу ҳолда Пекин қасос олади, шу жумладан, Гонконгда ишлайдиган америкалик журналистларга қарши иш олиб борилади", — деб ёзди Global Times бош муҳаррири Ху Сицзинь.

AҚШ ва ХХР ўртасидаги оммавий ахборот воситалари фаолияти коронавирус пандемиясини қамраб олишда зиддиятларни келтириб чиқарди. Aмерика Қўшма Штатлари Хитойнинг бир қатор давлат оммавий ахборот воситаларидан Қўшма Штатлардаги журналистлар сонини камайтиришни талаб қилди, бу эса 60 журналистнинг мамлакатдан ҳақиқатан чиқариб юборилишига олиб келди. Ўз навбатида, Хитой New York Times, Wall Street Journal ва Washington Post газеталарининг Хитойдаги бўлимида ишлаган AҚШ фуқароларидан журналистлик гувоҳномаларини топширишни талаб қилди.

Бундан ташқари, иккала мамлакат оммавий ахборот воситаларининг ишига нисбатан ўзаро талабларни кучайтирди, ўз ходимларининг сони, уларнинг ҳудудлари ва журналистика бюролари фаолиятининг бошқа жиҳатлари тўғрисида ҳисобот берилишини талаб қилди.