АҚШ Махфий хизмати Трампнинг хавфсизлик гуруҳини кучайтиришга қарор қилди
АҚШ Махфий хизмати Пенсилваниядаги митингда суиқасд уюштирилганидан кейин собиқ президент Дональд Трамп сайловолди ташвиқоти тугагунига қадар хавфсизлик чораларини кучайтирганини маълум қилди.
Трампнинг хавфсизлик гуруҳи кучайтирилишини эълон қилган АҚШ Махфий хизмат директори Кимберли Читл, Республикачилар партиясининг Milwaukee'даги конгресси учун режаланган хавфсизлик чораларини ҳам кўриб чиқаётганликларини айтди.
“Июнь ойида собиқ президент Трампга тақдим этган қўшимча хавфсизлик яхшиланишларига қўшимча равишда, шанба кунидан (суиқасд содир этилган кундан) бошлаб Трампнинг Республикачилар партияси қурултойида ва сайлов кампанияси охиригача ҳимоясини таъминлаш учун хавфсизлик бўйича ўзгаришлар киритдик. - деди Читл.
Агентлик раҳбари Махфий хизмат ходимларининг самарадорлиги отишмани тезда йўқ қилишга имкон берганини таъкидлаб, сиёсатчи хавфсизлигини янада таъминлаш чоралари кўрилганини қўшимча қилди.
New York Post газетасининг ёзишича, Трамп амалдаги президентларга ҳамроҳлик қилаётган хавфсизлик ходимлари сонига нисбатан анча кам сонли хавфсизлик ходимлари билан саёҳат қилади ва собиқ президентнинг тансоқчилари АҚШ ҳукуматидан снайперларнинг эҳтимолий ҳужумларига қаршилик кўрсатиш учун маблағ олмаганини таъкидлади.
