O‘zbekistonda havo keskin sovib ketadi — O‘zgidromet
3-5 noyabrda O‘zbekiston hududiga G‘arbiy Qozog‘iston orqali Ural rayonlari (Ekaterinburg) ustida shakllangan sovuq va nam havo oqimi kirib keladi.
3 noyabrda Qoraqalpog‘iston va Xorazm viloyatida ayrim joylarga yomg‘ir yog‘adi. 4 noyabrda respublika bo‘yicha yomg‘ir, ayrim joylarda kuchli yomg‘ir yog‘adi. Qoraqalpog‘iston va Xorazm viloyatida yog‘ingarchilik bo‘lmaydi.
Shamolning tezligi kuchayib, soniyasiga 18-23 metrgacha, shiddat bilan esganda 25-28 metrgacha yetishi kutilmoqda.
4-5 noyabrda respublika bo‘yicha havo harorati kechasi 0-5 daraja iliqqacha tushib ketadi, ayrim joylarda 1-2 daraja sovuq bilan ayoz kuzatilishi mumkin. Kunduzi harorat 8-13 darajagacha iliq, mamlakat shimolida harorat kechasi 3 daraja sovuqdan 2 daraja iliqqacha, kunduzi 3-8 darajagacha iliydi.
