O‘zbekiston va Qozog‘iston o‘rtasida poyezd qatnovi qayta tiklanmoqda

15 may kuni “Nukus — Beyneu — Nukus” (647/648-sonli) yo‘nalishidagi yo‘lovchi poyezdining qatnovi boshlanadi.
Bu haqda “O‘zbekiston temir yo‘llari” matbuot xizmati xabar qildi.

16 maydan esa “Olmaota-2 – Toshkent – Olmaota-2” yo‘nalishida 1/2-sonli ("Tulpar-Talgo”) poyezd qatnovi yo‘lga qo‘yiladi. Bu reyslar Toshkentdan haftasiga 3 marta "Toshkent-Markaziy" vokzalidan amalga oshiriladi.

⚠️Qozog‘iston davlat chegarasi orqali o‘tish punktlari orqali kelgan barcha shaxslar PZR usuli bilan COVID-19ga test sinovidan o‘tganligi haqida ma’lumotnoma taqdim etishlari shart (qozoq, rus yoki ingliz tilida). Ma’lumotnoma Qozog‘iston davlat chegarasidan o‘tishdan oldin kamida 72 soatdan ko‘p bo‘lmagan muddatda bo‘lishi shart.

Qozog‘iston hududiga YEOIIga a’zo davlatlar hududidan, shuningdek, Ozarbayjon, Moldova, Tojikiston va O‘zbekistondan kelayotgan shaxslar, shu jumladan, «Puteshestvuyu bez COVID-19» ilovasidan ro‘yxatdan o‘tishlari talab etiladi.