Ulug‘bek Qodirov yana bir filmda bosh rolni ijro etmoqda

Ulug‘bek Qodirov yana bir filmda bosh rolni ijro etmoqda

Bugun Farg‘onada O‘zbekiston Kinematografiya agentligi va “Belarusfilm” kinostudiyasi hamkorligida o‘zining jasorati va vatanparvarligi bilan mashhur bo‘lgan Ulug‘ Vatan urushi qahramoniga bag‘ishlangan filmning suratga olish ishlari boshlandi. Farg‘ona bo‘lib o‘tgan an’anaviy “likopcha sindirish” marosimiga “Belarusfilm” kinostudiyasi bosh direktori Vladimir Karachevskiy, agentlik bosh direktori Firdavs Abduxoliqov, suratga olish guruhlari a’zolari va kinoijodkorlar jamoasi tashrif buyurdi.

– Hozirgi kunda dunyo bilan kino tilida gaplashish, qadriyatlar, katta va do‘stona oilamiz haqida, qarindosh-urug‘ va do‘stlarga hurmat va ehtirom, chinakam sadoqat haqida gapirish juda muhim. “Osiyo arsloni” filmi qahramoni Mamadali Topvoldiyev nafaqat o‘zbek, balki belarus xalqining ham qahramoni hisoblanadi.

Ushbu film do‘stlik, hayot uchun kurash, o‘zgalarni hayotini saqlash va fidoyilik haqida hikoya qiladi”, — dedi “Belarusfilm” bosh direktori Vladimir Karachevskiy.

O‘zbek va Belarus kinematografi tomonidan teng ulushlarda moliyalashtirilayotgan film Farg‘ona viloyatida tug‘ilgan, urushda partizan razvedkachisi sifatida ishtirok etgan Sovet Ittifoqi Qahramoni Mamadali Topvoldiyev (Belarus partizanlari uni “Kazbek” deb atashgan) haqida hikoya qiladi. Filmga “Men terrorchi emasman” filmi bilan tanilgan Muxammadali Iskandarov rejissyorlik qiladi.

– Bugun Farg‘ona shahrida O‘zbekiston Kinematografiya agentligi va “Belarusfilm” kinokompaniyasi hamkorligidagi “Osiyo arsloni” (tahr. – avvalgi nomi “Kazbek”) filmining suratga olish ishlari boshlandi, – deya izoh berdi Firdavs Abduxoliqov. – Davlatimiz rahbari kinoijodkorlar oldiga xalq qahramonlari obrazlarini kinoda abadiylashtirish vazifasini qo‘ymoqda.

Mamadali Topvoldiyev esa xalqimizning haqiqiy milliy qahramoni. O‘zingiz hulosa qiling: M. Topvoldiyev asirga tushib, qochib ketadi va partizanlar safiga qabul qilinadi. U ko‘priklar va yo‘llarni minalaydi, dushmanning 19 ta eshelonini relsdan chiqarib yuboradi, fashistlar Germaniyasiga aqlga sig‘maydigan zarar yetkazadi va ularni dahshatga soladi. Qo‘l jangida u 76 fashistni yo‘q qiladi, bitta nemis generalini va g‘alaba uchun qimmatli ma’lumotlarni taqdim etgan juda ko‘p ofiserlarni asirga oladi. Nasistlar Kazbekning boshi uchun 50 ming reyxsmarka va’da qilishadi! Uning nomi bilan bog‘liq bir nechta hikoyalar mavjud. Har bir operasiyadan keyin u daraxtga xanjar bilan Kazbek nomini o‘yib yozib qoldirardi, shu tarzda u o‘z izini qoldirgan va nemislarni qo‘rquvda ushlab turgan. Mamadali Topvoldiyevning xizmatdoshlari uni Kavkazdagi ulug‘vor tog‘ga qiyoslab, Kazbek deb atashgan, nemislar esa Osiyo arsloni nomini berishgan. 1944 yilda Stalin unga “Sovet Ittifoqi Qahramoni” unvonini bergan. Ushbu kinoloyihani amalga oshirishda ko‘rsatayotgan yordami uchun O‘zbekiston hukumatiga minnatdorchilik bildiramiz».

“O‘zbekfilm” kinokonserni direktori Bahodir Odilovning ma’lumot berishicha, bosh rolga Ulug‘bek Qodirovning tanlanishi bejiz emas. “Biz aktyorni AQShdaligida taklif qilgan edik. U rol ustida sinchkovlik bilan ishlashda davom etmoqda va hatto 25 kilogramm tashlashga muvaffaq bo‘ldi. O‘zbekiston yoshlari uni yaxshi ko‘radi va u qahramon obrazini munosib gavdalantira oladi, deb umid qilamiz. Film loyihasini moliyalashtirish uchun 2 million AQSh dollari miqdorida mablag‘ jalb etildi. Kinematografiya agentligi va Belarusfilm xarajatlarni teng ulushda qoplaydi. Farg‘ona viloyati hokimligi ham munosib hissasi bilan loyihani qo‘llab-quvvatlaydi degan umiddamiz, – deydi B.Odilov.

“Uzbechka” va “Osiyo arsloni” loyihalarini amalga oshirish bo‘yicha kelishuvlar o‘tgan yilning kuzida Minskda o‘tkazilgan “Listopad” kinofestivalida tuzilgan edi, ta’kidlab o‘tish lozimki, mazkur kinofestivalda O‘zbekistonning “Ilhaq” filmi bosh sovrinni qo‘lga kiritgan edi.

Film realistik jangovar sahnalar, kinoxronikalar va chuqur emosionallik bilan tomoshabinlarni xursand qilishni va’da qiladi.

Shohida Ismoilova, aktrisa: «Tasvirga olish muhiti menga juda ma’qul keldi. Uy esa o‘sha muhitni eslatayapti. O‘zimni shu davrdagidek xis qilayapman. Liboslar, uning rangi taqinchoqlargacha alohida ahamiyat qaratishgan. Rosti samimiy vodiy xalqi, ularning shirin so‘zlari menga ilhom bag‘ishlamoqda. Men tarixi filmda tasvirga tushayotganimdan shodman».

Tesha Mo‘minov, O‘zbekiston xalq artisti: «Tarixiy filmda obrazni jonlatirishning o‘z yuki bor. Rolga kirishdan avval rosti shu yukni xis qildim. Urush va uning kechinmalari asarda yoritilayapti. Filmdagi voqeliklarni hammasini oshkor qila olmayman. Tomoshabin kutsin, yana bir tarixiy asar yaratilayapti. Asar yaratilganda ham chinakam qahramon hayoti».

Karim Mirxodiyev, O‘zbekiston xizmat ko‘rsangan artisti: «Qisqa so‘zlamoqchiman. Filmda Mamadali Topvoldiyevning otasi obrazini yaratayapman. Eng og‘ir sahna bu men uchun farzandini urushga jo‘natayotgan ota. Boshiga do‘ppi kiydirib millatni, mamlakatni, oilani unutma degan ramzi bor».

Ulug‘bek Qodirov, aktyor, bosh rol ijrochisi: «Topvoldiyev rolini ijro etayapman. Mamlakatimizning chinakkam qahramoni. Obrazni his qila boshladim. Qiziq bir gapni aytmoqchiman. Shu obraz uchun 25 kilogrammdan ko‘proq vazn tashlashimga to‘g‘ri keldi. Ozishga rozi bo‘lganim va ozganim bu obrazni yaratishni istaganimni bildiradi. Bu haqda ko‘p gapirmayman film haqiqiy tarixiy asar bo‘ladi».

Muhammadali Iskandarov, rejissyor: «Avvallari tarixiy klip suratga olganman. Tarixiy filmga birinchi marotaba qo‘l urishim. Film yaratishga ruhan o‘zimni tayyorlab mana bugun birinchi tasvirga olish ishlarini boshladik. Filmga o‘zbek va belaruslik ijodkorlar hamkorlikda mualliflik qilishmoqda. Asarda haqiqiy o‘zbek o‘g‘loni hayoti yoritiladi. Asriy an’analarini asrashga bel bog‘lagan o‘g‘lon. Ikki mamlakat ijodkorlari bir maqsadda Mamadali ota hayotini yoritishga kirishdik».

Bugun esa ona yurti Farg‘ona vodiysining Zohidon shahrida Mamadali Topivoldiyev nomidagi muzey ochildi. Muzeyning ochilish marosimida viloyat hokimi Xayrullo Bozorov ham ishtirok etdi.

Quyida kinoloyihaning suratga olish maydonidan tayyorlangan beksteyjni e’tiboringizga havola qilmoqchimiz.


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!

Bildirilgan fikrlar (7 )

    Эндими
    Байрам утиб буладику
    Фарход
    Шунча бейкорчи
    Хожибой Тажибойов айтганидай бизларни киноларда шу ешик тогара шан уй GM машиналари яна нима шу кино болди тугайди
    Obsesion
    Gap yoq 👍👍
    Jahongir
    Osongina propaganda deb qo'yaqolmaydi 😂😂
    Musaev Aziz
    Мамадали Топиболдиев хаетини кино килса кино асосий сахналари Европа томонда олиниши керак. СССР вактида уруш хакидаги фильмлар бюджети Москва томонидан тасдиклангани туфайли бу масала муаммо эди. Мустакилликдан кейин ахвол хаммага маълум. Иккинчи жахон уруши хакида гап кетганда галабани Руслар узлаштириб олган гуеки галабага руслар эришган колганлар шунчаки томошабин булган. Hollywoodнинг фильмларида хам факат АКШ галабаси курсатилган. Бизникилар хам шунчаки умумий кахрамон хакида эмас балки аник тарихий шахс хакида фильм олмокчи. Хамма давлат уз пропагандасини килади бу твбиий хол. Факат кинони олганга яраша пулини окласин бир икки йил курилиб шу билан колиб кетмасин