Ukraina yangi rus mahbuslari haqida xabar berdi
Ukraina Qurolli kuchlari bosh qo‘mondoni Aleksandr Sirskiy prezident Vladimir Zelenskiyga Ukraina qo‘shinlarining Rossiyaning Kursk viloyatida olg‘a siljishi haqida hisobot berdi. Uning hisobotiga ko‘ra, kun boshidan buyon 100 dan ortiq rossiyalik harbiy asirga olingan.
«Hozirgi kun boshidan buyon ma’lum yo‘nalishlarda qo‘shinlar 1 kilometrdan 2 kilometrgacha ilgarilab ketdi. Sudja qishlog‘ida dushmanni qidirish va yo‘q qilish ishlari yakunlandi. Kun boshidan buyon dushmanning 100 dan ortiq xodimi asirga olindi», — dedi Sirskiy.
Prezident Zelenskiy almashuv fondini to‘ldirgani uchun bosh qo‘mondonga minnatdorchilik bildirdi. Ilgari Zelenskiy Ukraina harbiylari Rossiya hududidagi 74 ta aholi punktini nazorat qilishini ta’kidlagan edi.
Eslatib o‘tamiz, Rossiya Mudofaa vazirligi Ukraina qo‘shinlarining mintaqada keyingi oldinga siljishini tasdiqlamadi.
WSJ Amerika rasmiylariga tayanib, Rossiya Ukraina qo‘shinlarining Rossiya hududiga hujumiga javoban o‘z qurolli kuchlarining bir qismini Ukrainadan olib chiqayotgani haqida xabar berdi.
