Ukraina rus qishloqlarini bosib olishda davom etmoqda

Ukraina qurolli kuchlari Sudjadan 35 km g‘arbda joylashgan Vnezapnoye qishlog‘ini egallab oldi. Ukraina harbiylari tegishli kadrlarni internetda bo‘lishdi.

Belgorod viloyati, Kolotilovka ko‘p tomonlama avtomobil nazorat punktida uchinchi kundan beri janglar davom etmoqda. Kursk viloyatining Korenevskiy tumanida ham shiddatli janglar ketmoqda, deya xabar beradi Rossiyaning maxsus xizmatlariga yaqin telegram kanallari.

Manbaning xabar berishicha, Ukraina Qurolli kuchlari Xarkovdan Belgorod viloyati yo‘nalishida «to‘liq tezlikda» kuch va texnikani to‘plamoqda.