Ukraina Mudofaa vazirligi: Belorussiya chegaraga yog‘ochdan yasalgan tanklar qo‘ydi

Ukraina Mudofaa vazirligi: Belorussiya chegaraga yog‘ochdan yasalgan tanklar qo‘ydi

Belarus qurolli kuchlari bo‘linmalari Ukraina bilan chegaradosh hududlarda yog‘ochdan yasalgan tanklarni joylashtirmoqda, dedi Ukraina Mudofaa vazirligi matbuot kotibi Aleksandr Motuzyanik.

Motuzyanik ta’kidlaganidek, bu "operativ kamuflyajni amalga oshirish va ularning mavjudligini ko‘rsatish uchun" qilingan.

“Bundan tashqari, Belarus Qurolli Kuchlarida jangovar shaylikni tekshirish taxminan joriy yilning 25 iyuniga qadar davom etadi”, — deya qo‘shimcha qildi spiker.

Motuzyanik Ukraina-Belarus chegarasini mustahkamlash uchun Belarus harbiy xizmatchilarni jalb etayotganiga e’tibor qaratdi.

Avvalroq Aleksandr Lukashenko bosim munosabati bilan janubiy operativ qo‘mondonlikni yaratish niyati borligini ma’lum qilgandi.


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!