Ukraina maxsus operasiya boshlangandan beri qancha texnikasini yo‘qotganini ilk marta ochiqladi

Ukraina maxsus operasiya boshlangandan beri qancha texnikasini yo‘qotganini ilk marta ochiqladi

Ukraina armiyasining harbiy texnikadagi yo‘qotishlari 50 foizga yetadi. Bu haqda joriy yilning 15 iyun kuni Ukraina quruqlikdagi qo‘shinlari moddiy-texnika ta’minoti qo‘mondoni general Vladimir Karpenko Amerikaning “National Defense Magazine”ga bergan intervyusida ma’lum qildi.

“Bugungi kunda bizda faol harbiy harakatlar natijasida 30-40 foiz, ba’zan esa 50 foizgacha texnika yo‘qotishlarga uchradik. Shunday qilib, biz taxminan 50 foizini yo‘qotdik. Taxminan 1300 ta piyoda jangovar texnikasi, 400 ta tank, 700 ta artilleriya tizimi yo‘qotildi”, degan Karpenko.

Bunday sharoitda Ukrainaga yetkazib beriladigan qurollar uning ehtiyojining atigi 10-15 foizini qoplaydi. Ukraina Qurolli Kuchlari artilleriya, zirhli texnika, havo hujumidan mudofaa tizimlari va ko‘plab raketa tizimlariga muhtoj, deya qo‘shimcha qilgan Karpenko.

Uning so‘zlariga ko‘ra, faol janglar ketayotgan front chizig‘ini samarali qamrab olish uchun Ukraina 40 ta brigadani to‘liq jihozlashi kerak. Buning uchun jami to‘rt ming piyoda jangovar texnikasi, 1200 ta tank va 2100 dan ortiq artilleriya tizimlari kerak bo‘ladi.

Ukraina OAVning yozishicha, ukrain armiyasi Rossiya hujumi boshlanganidan beri yo‘qotilgan texnikalar haqida ilk bor ma’lumot berdi.


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!

Bildirilgan fikrlar (2 )

    Х
    Бу факат Украина армиясида мавжуд булган техникага нисбатан айтилган манимча.Агар АКШ ва Европадан кирган куролларни хам хисобласа юкоридаги сондан ун баробар купрок йукотган.
    SHOKIRJON
    Давай манашу пачоқ техникаларданам кўргазма ясаймиз.Э айтгандай украинани ўзини техникаси,европа етказиб бергани хаммаси кўргазмадаги союзни эски техникаларию.