Tramp ma’muriyati hukumat idoralarining uchdan ikki qismini sotadi

AQSh prezidenti Donald Tramp ma’muriyati federal hukumatga tegishli ofis maydonining uchdan ikki qismini sotish imkoniyatini ko‘rib chiqmoqda.

Bu haqda The Wall Street Journal xabar bermoqda.

Nashr ma’lumotlariga ko‘ra, AQSh Umumiy Xizmatlar boshqarmasi butun mamlakat bo‘ylab umumiy maydoni 34,4 million kvadrat metr bo‘lgan federal ko‘chmas mulk portfelini boshqaradi. Biroq, departament vakilining 2023 yilda Kongressda guvohlik berishicha, ko‘plab binolar mablag‘ yetishmasligi sababli yomon ta’mirlangan, bo‘sh yoki to‘liq foydalanilmagan, deya qayd etadi gazeta. Hisobotda aytilishicha, Vashingtondagi xususiy mulkdorlardan Umumiy Xizmatlar boshqarmasi ijaraga olgan ofis maydonining to‘rtdan uch qismi ham bo‘shatiladi.

Nashrning ta’kidlashicha, yaqinda AQSh Senatiga taqdim etilgan hisobotga tayanib, Vashingtondagi yirik agentlik yoki departamentlarning birorta shtab-kvartirasi yarmidan ko‘pi bilan to‘la emas. Vashingtondagi Umumiy Xizmatlar boshqarmasiga tegishli binolar, hisob-kitoblarga ko‘ra, o‘rtacha atigi 12% band. Hukumat butun mamlakat bo‘ylab 7500 dan ortiq bo‘sh binolarga egalik qiladi, deya xulosa qiladi nashr.