Toshkent viloyatida o‘g‘irlik sodir etib 5 oy yashirinib yurgan shaxs ushlandi
Bekobod tumanida yashovchi fuqaro X.Eshmatov tuman IIBga ariza bilan murojaat qilib, joriy yilning 18 yanvardan 19 yanvarga o‘tar kechasi o‘ziga tegishli savdo do‘koniga noma’lum shaxs yashirin ravishda kirib, (taxminiy summasi 4 mln so‘mdan ortiq bo‘lgan) oziq-ovqat va nooziq-ovqat mahsulotlarni olib ketganligini va ushbu shaxslarga nisbatan qonuniy chora ko‘rishni so‘raydi.
Olib borilgan qidiruv-surishtiruv ishlari natijasida ushbu jinoyatni Bekobod shahri 5-dahada yashovchi 1995 yilda tug‘ilgan A.P. sodir etganligi PPX xodimlari safdor U.Azimov va SH.Qorayevlar tomonidan aniqlanib, 2 iyun kuni ushlandi.
Shuningdek, savdo do‘kondan o‘g‘irlangan 10 dan ortiq qurilish mollari daliliy ashyo sifatida olinib, holat yuzasidan O‘zbekiston Respublikasi Jinoyat kodeksining 169-moddasi 2-qismi “g” bandi bilan qo‘zg‘atilgan va jinoyat ishi tergovga o‘tkaziladi.
