Toshkent ko‘chalarida "hunar ko‘rsatgan" "inomarka" egasiga chora ko‘rildi

Internet tarmog‘ida “Mazda” rusumli avtomobil haydovchisi drift qilgani va yo‘l qismida avariyaviy holatni yuzaga keltirgani tushirilgan video tarqaldi.

Ma’lum qilamizki, 7-fevral kuni taxminan soat 21.30 da Mirzo-Ulug‘bek tumanida O‘zbekiston ovozi va Yax’yo G‘ulomova ko‘chalari kesishmasida “Mazda” rusumli avtomobil haydovchisi 28 yoshli Livon YA. yo‘l harakatining boshqa ishtirokchilari uchun xavf tug‘dirgan holda manyovrlar amalga oshira boshlagan.  Livon YA.ga nisbatan O‘zbekiston Respublikasi Ma’muriy javobgarlik to‘g‘risidagi kodeksning 128-5-moddasi bo‘yicha (“Transport vositalari haydovchilarining xalaqit berishi yoki avariya holatini yuzaga keltirishi, yo‘lning qarama-qarshi harakatlanish uchun mo‘ljallangan tomoniga yoki bo‘lagiga chiqishi”) ma’muriy huquqbuzarlik haqida bayonnomar tuzildi.