Taraqqiyot strategiyasi va Davlat dasturini amalga oshirish bo‘yicha Respublika komissiyasi tuziladi

Bu haqda O‘zbekiston Respublikasi Prezidenti matbuot kotibi ma’lum qildi.

Respublika komissiyasi dasturdagi tadbirlar to‘liq, o‘z vaqtida va sifatli bajarilishini tashkil etish va nazorat qilish bo‘yicha har oyda vazirlik, idora va hudud rahbarlarining hisobotini eshitib, ularning faoliyatiga tanqidiy baho berib boradi, har chorakda amalga oshirilgan ishlar natijasi, bu borada rahbarlarning javobgarligi bo‘yicha Prezidentga axborot berib boradi.

Shuningdek, Vazirlar Mahkamasi kotibiyat va departamentlari rahbarlari boshchiligida 7 ta yo‘nalishda doimiy ishlovchi shtablar tuzilib, vazirlik, idora va hududlar bilan topshiriqlarning kunlik ijrosini tashkillashtiradi.