Surxondaryoda “Gazel” poyezd tagida qoldi
Surxondaryo viloyatining Termiz tumanida “Gazel“ rusumli transport vositasi yo‘l qoidalarini buzib harakatlanishi oqibatida temir yo‘l to‘sig‘iga borib urilib avtomobil ag‘darilgan. Bu haqda viloyat YHXB xabar berdi.
Xabarga ko‘ra, shu yilning 28 sentyabr kuni soat 16:40larda Surxondaryo viloyati Termiz tumanida “Termiz- Baqtriya” temiryo‘l bekatlari oralig‘ining 4465-km 7-piketida qo‘riqlanadigan temir yo‘l kesishmasiga poyezdyaqinlashayotganligi sababli avtotransport vositalarining harakati cheklangan vaqtda, 1994 yilda tug‘ilganhaydovchi “Gazel” avtomobilida qoidalarni buzgan holda harakatlangan va temir to‘siqqa urilib avtomobilag‘darilgan.
Hodisa oqibatida elektrovoz tortib ketayotgan “Termiz-Darband” shaharlararo qatnovchi yo‘lovchi poyezdi to‘xtab qolgan.
Ko‘rilgan tezkor choralar natijasida yo‘lovchi poyezdi shu kuni soat 17:25da harakatni davom ettirgan. Hodisa oqibatida tan jarohati olganlar yo‘q.
Hozirda mas’ullar tomonidan holat bo‘yicha surishtiruv harakatlari olib borilmoqda.
