Shomurodov uchun 10 million yevro taklif qilishmoqda

"Roma" hujumchisi Eldor Shomurodov jamoani tark etishi kutilmoqda.

"Torino" klubi o‘zbekistonlik futbolchining transferi borasida rimliklar bilan muzokaralarni boshladi. Shuningdek, Italiya nashrlari tarqatgan xabarga ko‘ra, muzokaralarga "Bolonya" ham qo‘shilgan. Ushbu klub Shomurodov uchun 10 million yevro atrofida pul taklif qilishi aytilmoqda.

Ammo "Torino"ning maqsadi ham jiddiy. Turinliklar bosh murabbiyi va sport direktori Eldorni o‘z jamoalari safida ko‘rishni istashmoqda.