Shifokorlar odamlarni organ transplantasiyasi uchun «tiriltirishni» boshladilar

Donor organlar tanqisligiga qarshi kurashning yangi usuli axloqiy emasligi uchun tanqid qilindi. Bu haqda NPR yozadi .

Amerikalik shifokorlar donor organlar bilan ishlashda normotermik ekstrakorporeal perfuziyadan (NEP) foydalanishni boshladilar. Bu tanani «tiriltirish» usulidir: odamda barcha hayotiy belgilar yo‘qolganidan so‘ng, shifokorlar sun’iy ravishda maxsus apparatlar yordamida qon aylanishini boshlaydilar. Qon barcha to‘qimalarni kislorod bilan to‘ydiradi va shundan keyingina kerakli organ olib tashlanadi va tashish uchun muzli idishga joylashtiriladi. NEP tufayli kerakli organlar - yurak, buyraklar yoki jigar odamlarga sog‘lomroq etib boradi, bu esa transplantasiya xavfini kamaytiradi. Bundan tashqari, NEP organlarning ishlash muddatini oshiradi, logistikani osonlashtiradi.

Ushbu usul o‘lim jarayonida organlar boshdan kechiradigan kislorod ochligi bilan kurashishga imkon beradi. Agar biz organni olib tashlasak va uni kislorod etishmasligi holatida muzga qo‘ysak, u qabul qiluvchiga etib kelganida u sog‘lom bo‘lmaydi. NEP bilan esa u sog‘lom holatda qoladi, shuning uchun u qabul qiluvchiga yetib borsa, u ishlash ehtimoli ko‘proq bo‘ladi.