Shavkat Mirziyoyev: "Samarqandda "Urgut ofisi" tashkil etiladi"
Urgut tumanida 550 ming aholi yashaydi. Shavkat Mirziyoyev bu yerda tadbirkorlikni rivojlantirishga asos borligini qayd etdi:
- “Urgut” erkin iqtisodiy zonasiga berilgan imtiyozlarni barcha tuman va shaharlarga qo‘llash hamda har biriga kamida 50-100 million dollar investisiyalarni jalb qilish hisobiga, 200 gektar maydonda 1 milliard dollarlik qo‘shimcha sanoat loyihalarini amalga oshirish lozim.
Loyihalarni sifatli ishlab chiqish uchun Loyihalar fabrikasining “Urgut ofisi” tashkil qilinadi.
Prezident Urgut tumanini ijtimoiy-iqtisodiy rivojlantirish bo‘yicha ikki oy muddatda Hukumat qarori loyihasini tayyorlash bo‘yicha ko‘rsatma berdi. Bunda Samarqand davlat universitetining Urgut filiali tashkil qilinadi. Hududda aholi ko‘p ekani inobatga olinib, tibbiyot fakulteti ham ochiladi.
