Rossiyada maymun chechagi infeksiyasini aniqlash uchun test tizimi qo‘llaniladi

Maymun chechagining ehtimoliy holatlarini aniqlash uchun test tizimi kasallikning tarqalish xavfi mavjud bo‘lgan taqdirda qo‘llanilishi mumkin, deb xabar beradi TASS.

Tizim Rospotrebnadzorning «Vektor» davlat virusologiya va biotexnologiya ilmiy markazi tomonidan yaratilgan.

«Markazda ortopoksvirus infeksiyalarini aniqlash bo‘yicha laboratoriya test tizimi «yotoq yonida» formatida sinovdan o‘tkazildi. Bu kasallangan hayvonlarning klinik materialida viruslarni muvaffaqiyatli aniqlash, shuningdek, bemorlarda emlash joyida pustular qobiqlarda vaksiniya virusini topish imkonini beradi», — dedi Rospotrebnadzor.

Rossiyada maymun chechagining mumkin bo‘lgan holatlarini tezkor aniqlash uchun avtonom test tizimi yaratilgani 19 may kuni ma’lum bo‘ldi. Rospotrebnadzorning «Vektor» markazi laboratoriya sinovlarini muvaffaqiyatli o‘tkazgani ma’lum qilindi. Sinov samarali, o‘ziga xos va qizamiq, qizilcha va suvchechak viruslari bilan o‘zaro ta’sirlarni aniqlamaydi.

Maymun chechagi virusi bir qator G‘arbiy Yevropa mamlakatlarida aprel-may oylarida tarqaldi, hozirga qadar u boshqa qit’alarda ham aniqlangan. Tez orada Jahon sog‘liqni saqlash tashkiloti epidemiyani muhokama qilish uchun yetakchi mutaxassislar bilan favqulodda yig‘ilish o‘tkazadi.