Rossiya Eron raketalari bilan nima qilmoqchi

Urushni o‘rganish instituti (ISW) ekspertlari Rossiya kelasi kuz va qishda Ukrainaning energetika, harbiy va fuqarolik infratuzilmasini yo‘q qilish uchun Eron tomonidan yetkazib berilgan raketalardan foydalanishini bildirdi.

Xabar qilinishicha, Eron yaqinda Rossiyaga 200 dan ortiq Fateh-360 qisqa masofali ballistik raketalarni yetkazib bergan.

“AQSh va Yevropa rasmiylari yaqinda Eron Rossiyaga qisqa masofaga uchuvchi ballistik raketalar yetkazib bera boshlaganini tasdiqladi va ISW hisob - kitoblariga ko‘ra, Rossiya kuchlari kelgusi kuz va qishda Ukrainaning energiya, harbiy va fuqarolik infratuzilmasini nishonga olish uchun Eron tomonidan taqdim etilgan raketalardan foydalanishi mumkin", deya xulosa qildi ISW.