Rossiya davlat mudofaa buyurtmalari byudjetini oshiradi
2023 yilda Rossiya Qurolli kuchlarining doimiy shay holatdagi bo‘linmalari 97 foiz qurol bilan ta’minlanishi kerak, buning uchun kelgusi yil uchun davlat mudofaa buyurtmasini moliyalashtirish 1,5 baravarga oshiriladi. Bu haqda Rossiya mudofaa vaziri, armiya generali Sergey Shoygu harbiy kafedra kollegiyasi yig‘ilishida aytib o‘tdi, deb xabar berdi RIA Novosti.
“Kelgusi yilda qo‘shimcha ajratiladigan byudjet mablag‘lari hisobga olinsa, davlat mudofaa buyurtmasini moliyalashtirish hajmi qariyb 1,5 baravarga oshadi. Bu doimiy shay holatdagi qo‘shinlar va harbiy qismlarni qurol-yarog‘ va texnika bilan 97 foiz darajada ta’minlash imkonini beradi”, - deydi vazir.
Uning qo‘shimcha qilishicha, ishlab chiqarishning mavjud maksimal hajmini saqlab qolish, qo‘shinlarga ilg‘or yetkazib berishni tashkil etish muhim.
