RIA Novostining Twitterdagi akkauntlari YEIning 27ta davlatida bloklandi

Britaniya va Yevropa Ittifoqining 27 davlati Twitter’da RIA Novosti akkauntlarini blokladi.

RIA Novosti akkauntlari Yevropa Ittifoqining 27 mamlakati va Britaniyada bloklandi. Bu haqda ijtimoiy tarmoqning o‘zi ma’lum qildi.

Ayni paytda ko‘rsatilgan mamlakatlardan sahifaga kirishga harakat qilinganda, blokirovka barcha Yevropa Ittifoqi mamlakatlari va Buyuk Britaniyaga tegishli ekanligi ko‘rsatilgan holda “Akkauntga kirish yopiq” xabari ko‘rsatiladi. Gap RIA Novosti @rianru, Tezkor xabarlar RIA Novosti @riabreakingnews, RIA Novosti Sport @rsportru, shuningdek, Praym @1prime_ru iqtisodiy axborot agentligining akkaunti haqida bormoqda.

Twitter avvalroq rossiyalik jurnalistlar va ommaviy axborot vositalarining, xususan RT telekanalining akkauntlarini bir necha bor bloklagan, kanal bu qaror bo‘yicha shikoyat qilgan. Bundan tashqari, o‘sha paytda Roskosmos rahbari lavozimini egallagan Dmitriy Rogozinning sahifasi ham bloklangan.

Rossiya Tashqi ishlar vaziri Sergey Lavrov avvalroq Moskva G‘arb jurnalistlar, sportchilar va madaniyat arboblariga qarshi sanksiyalar joriy etishini kutmaganini aytdi.

So‘nggi yillarda G‘arbda Rossiya matbuoti bilan bog‘liq vaziyat tobora qiyinlashib bormoqda. 2016 yilning noyabrida Yevroparlament Rossiya ommaviy axborot vositalariga qarshi turish zarurligi haqida rezolyusiya qabul qildi, hujjatda Sputnik va RT asosiy tahdidlar sifatida ko‘rsatilgan.

Bir qator G‘arb siyosatchilari, jumladan, AQSh senatorlari va kongressmenlari, shuningdek, Fransiya prezidenti Sputnik va RT telekanallarini AQSh va Fransiyadagi saylovlarga aralashishda aybladi, biroq hech qanday dalil keltirmadi. Rossiyaning rasmiy vakillari bunday bayonotlarni asossiz deb atadi.