Qozog‘istonda uchta yangi viloyat tashkil etildi

Qozog‘istonda uchta yangi viloyat tashkil etildi

Qozog‘istonda uchta yangi mintaqa tashkil etildi hamda Olmaota viloyatining ma’muriy markazi ko‘chirildi.

Qozog‘istonda uchta yangi viloyat tashkil etildi. Qozog‘iston prezidenti Qasim-Jomart Toqayev tegishli farmonni imzoladi.
Farmonga ko‘ra, Abay, Jetisu, Ulitau viloyatlari tashkil etildi
Abay viloyati
Ma’muriy markazi Semey. Viloyat tarkibiga Sharqiy Qozog‘iston viloyatidan Oqsuat, Abay, Ayag‘oz, Beskarag‘ay, Boroduluxa, Jarma, Urjar, Ko‘kpekti tumanlari, Semey va Kurchatov shaharlari kiritildi.
Jetisu viloyati
Taldiqo‘rg‘on viloyatning ma’muriy markazi. Olmaota viloyatidan yangi hududga Oqsuv, Alakol, Yeskeldin, Karatal, Kerbulak, Koksu, Panfilov, Sarkan tumanlari hamda Taldiqo‘rg‘on va Tekeli shaharlari kiradi.
Ulitau viloyati
Ulitau viloyati esa Qarag‘anda viloyatidan ajratilgan Janaariq, Ulitau tumanlari hamda Jezqozg‘an, Karajala va Satpayev shaharlarini o‘z ichiga oladi. Uning markazi Jezqozg‘an shahri bo‘ladi.
Hukumatga Oliy sud, Oliy sud Kengashi va davlat organlari bilan birgalikda bir oy muddatda ushbu farmonni amalga oshirish uchun tashkiliy chora-tadbirlar rejasini tasdiqlash va boshqa choralarni ko‘rish topshirildi.
Bundan tashqari, Olmaota viloyatining ma’muriy markazi Taldiqo‘rg‘ondan Qo‘nayev (avvalgi Kapshag‘ay) shahriga ko‘chirildi.


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!